ပူႇတေလၢတ်ႈပၼ်
ႁႂ်ႈႁၼ်ၵူႈလွင်ႈ - ၶိူင်ႈၸွင်ႈၵူၼ်းႁဝ်း။
တၵ်းသဝ်းမိူဝ်းၼႃႈ - ယႃႇၶႃႈတူဝ်ၸႂ်။
ၶွင်ၽႂ်ယႃႇလၵ်ႉ - ယႃႇမၵ်ႉလဝ်ႈယႃႈ။
ယႃႈဝႃႈၵႂၢမ်းၽၢင်း - ယႃႇၶၢင်းမေးပိူၼ်ႈ။
ၽူႈသိူၼ်ႈယႃႇပွင်း - ယႃႇလွင်းၽၢႆႉတႅဝ်ႇ။
ယႃႇဢႅဝ်ႇၶမ်ႈလိုၵ်း - ယႃႇၽိုၵ်းလွင်ႈမိူၵ်ႈ။
ႁႂ်ႈလိူၵ်ႈတၢင်းၵမ် - ၵူဝ်ယမ်သြႃႇ။
ၵူမ်ႈၵႂႃႇၵွမ်းမႃး - လုမ်းလႃးပေႃႈမႄႈ။
ယဵၼ်ႇငႄႈတူဝ်ၸႂ် - မေႃၶူဝ်ယုမ်ႉယၢႆႈ။
လၢတ်ႈငၢႆႈၵႂၢမ်းဝၢၼ် - မေႃၶၢၼ်ၸူးၵေႃႉ။
ယႃႇပေႃႉၽိတ်းၵၼ် - ပိူၼ်ႈပၼ်ယိုၼ်ႈၼွပ်ႇ။
မေႃႁွပ်ႇမေႃယေႃး - ၵႂၢမ်းႁေႃးပူႇၶႆႈ။
ထုၵ်ႇလႆႈတွင်းၵိုမ်း - ယႃႇလိုမ်းၵူႈၵေႃႉတႃႉလုၵ်ႈလၢၼ်ၶဝ်ဢူၺ်ႉ။
------------
ငဝ်ႈတိုၼ်း
ပပ်ႉႁဵၼ်းလိၵ်ႈတႆးၸၼ်ႉသၢမ်
ၶွမ်ႇမတီႇၶိုင်ပွင်ဢွၵ်ႇပပ်ႉႁဵၼ်းလိၵ်ႈတႆး
ၶရိတ်ႉ 1962 ၼီႈ
လိူၼ်မေႇ
No comments:
ပၼ်တၢင်းႁၼ်ထိုင် ...