တေႃႈလဵဝ်ၼႆႉထိုင်မႃးဢတႂၢင်းၼီႈၼဵတ်ႈ၊
သၵ်ႉၵရဵတ်ႈၸဵင်ပူပ်ႇ၊ ၶူပ်ႇၶွပ်ႈ 1250 ပေႉတမ်း၊
လိူၼ်ၶမ်းသိပ်းဢဵတ်း၊ ၵူၼ်းႁဵတ်းၵူးၵႃး၊
ယၢမ်းဢၼ်ၵႄးလႃးတၵ်းမၢင်၊ ၶဝ်ႈၸဝ်ႉၶဝ်ႈၵၢင်ၵေႃႈဝၢႆး၊
သၢႆၾူၼ်ၸမ်တၵ်းၸၢႆး သၢႆၼၢႆးၸမ်တၵ်းလူင်ပိုၼ်၊
ၽိုၼ်လိၼ်ၵတ်းဢေး၊ လူမ်းသေးလိဝ်လိဝ်၊
လူမ်းပိဝ်မူၺ်ၶၢဝ်၊ ၵၢင်ႁၢဝ်ႁဵတ်းလၢႆးၶိုၼ်ဝိုၼ်း၊
ၵႃႈၶိုၼ်းႁဵတ်းၵတ်းငွၼ်းငွၼ်း၊ ၵႃႈဝၼ်းလီၼွၼ်း၊
ႁူဝ်ၼႂ်မိူင်းသႂ်သၢင်ဝၢင်း၊ ယၢမ်းတႂၢင်းဢၶၢၼ်း၊
ဝဵင်းယၢၼ်းႁွင်ႈၶၢႆး တီႈၵႂၢႆးၵႆႉထုၵ်းသီ၊
ၼႃးၽိူင်းၶဝ်ႈႁူင်းလီ - ၵွမ်းၵူမ်ႈၵူင်ႇၵၢႆႇ၊
ၼၢႆးၽွင်ယွႆးယွႆး၊ ၼႅင်းၽွႆးၽျၢၼ်ႉလူင်းၽျၢတ်ႈၸွမ်းလွႆ၊
ၼမ်ႉၼၢႆးဢွႆ - မၼ်းယၼ်ႇၵူႈၽၢႆႇယဝ်ႉ၊
မႅၼ်ႈၵေႃႈၶွင်လၵ်းမႅၼ်ႈမိူဝ်ႈ
ဢုတုဝတ်ႉသၼ်ႇ မွၵ်ႇၵုမ်ႇယၼ်ပဵၼ်ႁူတ်ႈ
ဝႃႇၵျူတ်ႈရႃႇသီႇ၊ မူဝ်းယီႇၸႄးငၢၼ်ႉ
ၼႅင်းၽျၢၼ်ႉၸူဝ်ႇၸူဝ်ႇ၊ ပတိင်ႇငူဝ်ႇပၢၼ်းယွႃႉ
တေႃးၼၸမ်ႇပႄႇ၊ ၶမ်းၶႄႇတၵ်းၵီႈ
မွၵ်ႇမီႈႁွၼ်ၵႆႇ၊ မွၵ်ႇမႆႇၶတ်ႈတႃႇ
ၼေႃႇၸႃႇတဝွႆႇ၊ လူမ်းတွႆႇပေႃႉၽၢပ်ႇ
ၵွၵ်းၵၢပ်ႈၵႅၼ်ႈယွႆႉ၊ ၼွႆႉၼူႉယုမ်းယူင်ႇ
ၼႂ်းတူင်ႇထႃႇၼီႇ၊ ယၢမ်းၶိင်ႇၼထီႇသင်ႇၶႃႇ
ဢွၵ်ႇဝႃႇသုင်းလ၊ ပေႇမျုႉၸုင်ႇလႅင်ႇ
မီးတႅင်ႇတသွင်ႇ၊ တႅၼ်းထွင်ႇလုၵ်ႉႁၢမ်ႇႁိူဝ်ႈ
လိူၼ်ၸဝ်ႈၽြႃးပၢတ်ႈသႃးၶၼ်ႈလႆၵၢႆႇ - လူင်းသိူၵ်ႈၵုၼ်ၵူၼ်း
တူၼ်ႈတၢပ်ႇတွင်ႇလိင်ႇ - လွႆၸမ်ႉၶိုၼ်ဝိုၼ်း၊
ဝၸတႃႇလူင်ႇၸၼ်ႇတီႇယူင်ႇ လႅင်းထူၼ်ႈႁၢင်ၶိုၼ်းမႃးယဝ်ႉ။
------------
ငဝ်ႈတိုၼ်း
ပပ်ႉႁဵၼ်းလိၵ်ႈတႆးၸၼ်ႉသၢမ်
ၶွမ်ႇမတီႇၶိုင်ပွင်ဢွၵ်ႇပပ်ႉႁဵၼ်းလိၵ်ႈတႆး
ၶရိတ်ႉ 1962 ၼီႈ
လိူၼ်မေႇ
No comments:
ပၼ်တၢင်းႁၼ်ထိုင် ...