1. ၼမ်ႉလဝ်ႈထၢၼ်ၶူမ်၊
မဝ်းၸူမ်ၵုၵ်ႉၵၢင်း၊
ၽိင်းပၢင်းၶဝ်ႈမွင်၊
ၽူႈပွင်ၵိၼ်မၼ်း၊
ဝၼ်း႞တၵ်းႁၼ်၊
တၢင်းဢၼ်ၶိူင်ႈၶွင်လူႉ။
2. ပႃႇၵျုႇပီႇပေး၊
တိုင်ႈၼႄးလဵတ်းတိင်ႇ၊
လပ်းသိင်ႇလႄႇလိုၵ်း၊
ၽူႈၽိုၵ်းႁဵတ်းမၼ်း၊
ဝၼ်း႞တၵ်းႁၼ်၊
တၢင်းဢၼ်ၶိူင်ႈၶွင်လူႉ။
3. ပၢင်ၵႃႈပွႆးလၢမ်း၊
ပၢင်ၵႂၢမ်းၵူၼ်းၵဝ်း၊
ၼၢင်းငဝ်းၼၢင်းဝႅၼ်၊
ၽူႈႁႅၼ်တူၺ်းမၼ်း၊
ဝၼ်း႞တၵ်းႁၼ်၊
တၢင်းဢၼ်ၶိူင်ႈၶွင်လူႉ။
4. ပၢင်ထီႇၽၢႆႇၵျူး၊
တႃႉႁူးမၢၵ်ႇမေႈ၊
ၽၢႆႉၸေႈပူဝ်ႇၵႃႇ၊
ၽူႈၵႂႃႇတေႃႇမၼ်း၊
ဝၼ်း႞တၵ်းႁၼ်၊
တၢင်းဢၼ်ၶိူင်ႈၶွင်လူႉ။
5. ၼူၵ်ႇၼိုၵ်းငဝ်မိုင်၊
ႁႃၶိုင်လပ်းၼွၼ်း၊
ၶၢၼ်ႉတွၼ်းငဝ်မွင်၊
ၽူႈပွင်ၸွမ်းမၼ်း၊
ဝၼ်း႞တၵ်းႁၼ်၊
တၢင်းဢၼ်ၶိူင်ႈၶွင်လူႉ။
6. ၵူၼ်းႁၢႆႉၵူၼ်းမိူၵ်ႈ၊
ၵူၼ်းတိူၵ်ႈမဝ်မၢင်၊
ႁူဝ်ႁၢင်ၵႂၢမ်းလူမ်း၊
ၽူႈၸူမ်းၸွမ်းမၼ်း၊
ဝၼ်း႞တၵ်းႁၼ်၊
တၢင်းဢၼ်ၶိူင်ႈၶွင်လူႉ။
------------
ငဝ်ႈတိုၼ်း
ပပ်ႉႁဵၼ်းလိၵ်ႈတႆးၸၼ်ႉသၢမ်
ၶွမ်ႇမတီႇၶိုင်ပွင်ဢွၵ်ႇပပ်ႉႁဵၼ်းလိၵ်ႈတႆး
ၶရိတ်ႉ 1962 ၼီႈ
လိူၼ်မေႇ
No comments:
ပၼ်တၢင်းႁၼ်ထိုင် ...