1. ၸိင်ႇ (သႅင်သႂ်)
ဝၸီႇရၸိင်ႇလုၵ်ႈငဝ်းပွင်ႇပဵဝ်ယမ်း၊
ဢဝ်ႁေႃႇၽွတ်ႈၵႂၢင်းသႂ်ႇၵၢင်ဝၢင်ႈႁိူၼ်းၶမ်း - သုပ်းၼိဝ်ႉမိုဝ်းၶၢဝ်။
2. ၵျွင်ႇ (သႅင်တႃမႅဝ်း)
သႅင်ၵျွင်ႇလုၵ်ႉထွင်ႇႁိူဝ်ႈငဝ်းလၢဝ် - ငၢႆးယိူင်ႈတႃမႅဝ်း၊
ဢဝ်ၸႅၼ်ႇၶပ်ႉၸွမ်ႇၶၼ်ႈမႄးသႂ်ႇပဵၼ်တႅဝ်း - ႁဵတ်းဝႆႉဝူင်းဝႅၼ်။
3. ၼီႇလႃႇ (သႅင်သွမ်ႇ)
သႅင်သွမ်ႇၼီႇလႃႇၵႃၶၢပ်ႇလႅပ်ႈႁဵတ်းဝႅၼ်၊ သုပ်းၶေႃႈမိုဝ်းလဝ်း၊
လုၵ်ႉထွင်ႇႁိူဝ်ႈပိူင်းပိုတ်ႇသၢႆတွၵ်ႈမီးငဝ်း၊ ၶမ်းလႄႈတင်းသႅင်။
4. သၼ်ႇတႃႇ (သႅင်လိူင်)
သၼ်ႇတႃႇလုၵ်ႈသီၸမ်ႉလိူင်လႅင်၊ ငဝ်းတွၵ်ႈပေႃးယမ်း၊
ၵႃႈယႂ်ႇၼပ်ႉငိုၼ်းၶိုၼ်ႈပေႃးတၢၼ်ႇသႅၼ်ၶမ်း - သႅင်သထေးၵႆႉမႃးထၢမ်။
5. ၵေႃးမုၵ်ႉတ (သႅင်ၵမ်ႇ)
ၵေႃႇမုၵ်ႈသႅင်ၵမ်ႇၼမ်ႉမွၵ်ႇမၢၵ်ႇၶိူဝ်တူၼ်ႈမီးၼၢမ်၊ ငဝ်းႁိူဝ်ႈပဵဝ်ပိူင်း၊
သႅင်ၵိုင်ႇၵႃႈမႄးသႂ်ႇဢူၽွတ်ႈၶမ်းႁိူင်း - ႁဵတ်းမၢဝ်ႉတိုဝ်းလီ။
6. ဢုၵ်ႉသၽယ (သႅင်မူၼ်ႇ)
ဢုၵ်ႉသၽယၽႃႇသ ၽိူၵ်ႇၸိုၼ်ႈငိုၼ်းသီ၊ ငဝ်းၶႄႉလၢဝ်လႅင်း၊
ၽႂ်သုၼ်ႇလႆႈတိုဝ်းမႅတ်ႇႁွမ်ပူၵ်ႉသိမ်းပႅင်း၊ မီးၼႃႈမီးတႃ။
7. မျုႉ (သႅင်ၶဵဝ်)
မၼေႃးမျုႉလုၵ်ႈၵႃႈ ငဝ်းပွတ်ႇ သႅင်မႃႉ ၵွၼ်းၵေႃ၊ မဵဝ်းၶိူင်ႈၽၢႆးတိုဝ်း၊
ရူႇပသုဝၼ်ႇၼႁႃႇၶႅမ်ႈၶမ်းႁေႃႇ ႁူင်ထၢၼ်ႈပေႃးလိုဝ်း - ႁၼ်ႁိူဝ်ႈငဝ်းၶဵဝ်။
8. သႅင်လႅင်
ပတမျုးရတၼႃႇငဝ်းၽႃႇၼမ်ႉၶွင်ႇၶင်ႈပဵၼ်ပဵဝ်၊ သႅင်ၼၵႃးၶၢႆး၊
သႅင်ႇဢၼ်မႁႃႇ ၵပႃႇယ ပႃးၵႂႃႇႁႃမႄႈမိူင်းၽၢႆး - ပဵၼ်ၶိူင်ႈတိုဝ်းလီ။
9. သႅင်ၶႆႇမုၵ်ႉ
သႅင်ယူႇပိုၼ်ႉပၢင်ႇလၢႆႇ ငဝ်းၸိုၼ်ႈငိုၼ်းလီ၊ ပဵၼ်ၶိူင်ႈတိုဝ်းၵူၼ်း၊ရ
သႂ်ႇပွတ်ႇလွတ်ႈသူၺ်းဢွၼ်ႇၵူမ်မူၼ်း မဵဝ်းပလႄးၶၢဝ်။
------------
ငဝ်ႈတိုၼ်း
ပပ်ႉႁဵၼ်းလိၵ်ႈတႆးၸၼ်ႉသၢမ်
ၶွမ်ႇမတီႇၶိုင်ပွင်ဢွၵ်ႇပပ်ႉႁဵၼ်းလိၵ်ႈတႆး
ၶရိတ်ႉ 1962 ၼီႈ
လိူၼ်မေႇ
No comments:
ပၼ်တၢင်းႁၼ်ထိုင် ...