ၵႃထုၵ်ႇၼီႈမၼ်းၼူၵ်ႉသႅဝ်းႁၢင်သိၵ်ႇမွင်ႉ။
သႅဝ်းဢွၼ်ႇသိတ်ႈလမ်းၵႃသႅၼ်ႇႁွင်ႉ။
ၸဵပ်းယဝ်ႉၸဵပ်းယဝ်ႉတေးပၼ်ၵုမ်ႇၵုမ်ႇ။
သႅဝ်ႇဢွၼ်ႇဝႃႈမႂ်းၼႆႉႁဝ်းႁိုဝ်ႁွၼ်ႇယုမ်ႇ။
ပၼ်မိူဝ်ႈလဵဝ်လႄႈပေႃးၼႆပၢၵ်ႇၸွႆႉ။
ၵႃပၢၵ်ႇဝႃႈႁဝ်းၵူႈငိုၼ်းသူသီႇႁွႆႉ။
သူသမ်ႉမႃးလၢတ်ႈၵႂၢမ်းလိူဝ်မၢပ်ႇတႅၼ်ႇ။
သႅဝ်းဢွၼ်ႇဝႃႈမႂ်းၵူႈမႃးႁိုင်ၼႃႇၼႅၼ်ႇ။
တႅၼ်းပၼ်လႄႈတင်းၶီႈတင်းႁၢင်ပၢၵ်ႇပုၼ်ႈ။
ပေႃးဢမ်ႇသၢႆႈမႃးထႃးၺႃးႁူဝ်လၢင်ႇလုၼ်ႈ။
သၵ်းႁႂ်ႈဢွၵ်းဢေႃၽိူၵ်ႇၽၢၵ်ႇ။
မိူဝ်ႈၼႆႉသၢႆႈမႃးပၼ်သီႇပၢၵ်ႇ။
မိူဝ်ႈၽုၵ်ႈမိူဝ်ႈႁိုဝ်းသမ်ႉတႅၼ်းႁႃႈပၼ်းပၢႆသီႇၸွႆႉ။
ဝူင်ႈၼႃႈဝူင်ႈလိုၼ်းသမ်ႉမႃးပၼ်ပၢၵ်ႇႁွႆႉ။
ပေႃးထႅင်ႈလိူၼ်႞တႅၼ်းသၢမ်ပၢၵ်ႇတွင်ႇ။
ၵႃပူႇထဝ်ႈပေႃးဝူၼ်ႉၼႂ်းၸႂ်ဢမ်ႇပွင်ႇ။
ယွၼ်ႈႁႂ်းယွမ်းသၢမ်ပၢၵ်ႇႁွင်ႈ။
ၸႂ်ႈၵႂႃႈၸႂ်ႈၵႂႃႈယိူၼ်ႉထႃႈပီၼႃႈမႃးၽွင်ႈ
ပိူင်လွင်ႈတႅၼ်းၼီႈတေႁႂ်ႈပေႃးၵုမ်ႇ။
တွၼ်ႈသပ်းလႅင်း
ႁွင်ႈ =2.5 ပျုး
တွင်ႇ =4 ပျုး
ႁွႆႉ =8 ပျုး
ၸိတ်ႉ =25 ပျုး
ပၼ်း =80 ပျုး
ၸွႆႉ =100 ပျုး
ၵူမ်း =200 ပျုး
------------
ငဝ်ႈတိုၼ်း
ပပ်ႉႁဵၼ်းလိၵ်ႈတႆးၸၼ်ႉသၢမ်
ၶွမ်ႇမတီႇၶိုင်ပွင်ဢွၵ်ႇပပ်ႉႁဵၼ်းလိၵ်ႈတႆး
ၶရိတ်ႉ 1962 ၼီႈ
လိူၼ်မေႇ
No comments:
ပၼ်တၢင်းႁၼ်ထိုင် ...